Қидириш    
 ЎзбРусEng
  Бош саҳифа       Таҳририят ҳақида       Обуна       Мулоқот       Фотогалерея    
   Рукнлар
  Янгиликлар
  Долзарб мавзу
  Ислоҳот одимлари
  Расмий хужжатлар
  "Саломатлик" лойихаси
  Депутат минбари
  Хотира
  Мутахассис билан сухбат
  Эътироф
  Мутахассис маслаҳати
  Врач конспекти
  Соғлом она ва бола йили
  УАШ учун амалий ёрдам
  Спорт
  Назария ва амалиёт
  Со­­­­­ғлом она-соғлом бола
   Валюталар курси
Nbu.com -->
   Об-ҳаво
Назария ва амалиёт

СУРУНКАЛИ МИЕЛОЛЕЙКОЗЛИ БЕМОРЛАРНИ ЦИТОГЕНЕТИК ВА МОЛЕКУЛЯР ГЕНЕТИК УСУЛЛАР ЁРДАМИДА ТЕКШИРИШ

Маълумки, сурункали миелолейкоз (СМЛ) – бу клонли миелопролифератив касаллик бўлиб, катталарда умумий лейкозларнинг 20 фоизини ташкил этади. Бу касалликнинг ўзига хос бўлган асосий белгиси гемапоэтик ўзак хужайраларининг 9 ва 22 хромосомалари ўртасида реципрокли транслокация –t (9,22) (q34;q11) натижасида аномал (Ph) хромосома юзага келади. Бунда 9-хромосоманинг q елкасининг 34-локусида жойлашган АВL онкогени, 22-хромосоманинг q елкасининг II локусида жойлашган BCR гени бузилади. Реципрокли транслокация сабабли 22-хромосомада ўзгарган ДНК кетма-кетлиги ВCR-ABL гени пайдо бўлиб, у қон ҳужайралари пролеферациясига жавоб берувчи тирозинкиназа ферменти активлигини оширадиган ВCR-ABL оқсилини синтезлайди. Ph-хромосома СМЛга чалинган беморларнинг 90-95 фоизида аниқланади.

Ҳозирги вақтда ЖССТ (2002 й.) тавсияси бўйича ҳамма лейкозга чалинган беморларни қуйидаги протокол бўйича текшириш шарт:

а) клиник-морфологик;

б) молекуляр-биологик (цитогенетик ва ПЦР);

в) СD ҳужайраларни иммунофенотиплаш (проточна цитофлурометрия).

Бундай алгоритм касаллик вариантини аниқлашда, генетик маркерларнинг прогностик ҳолатини баҳолаш ва тўғри даволашни танлашда муҳим аҳамият касб этади. Бу эса ўз навбатида беморларнинг рецидивсиз яшашини узайтиради. Шу мақсадни кўзлаб онкогематологик беморларда стандарт цитогенетик ва молекуляр генетик таҳлил усулларини касалликнинг барча босқичларида амалга ошириш ва уни амалиётга татбиқ этишдан иборат.

Материал сифатида клиникада даволанаётган СМЛга чалинган 131 та бемордан олинган периферик қон ва суяк кўмигидан фойдаланилди. Улардан 64 тасида стандарт цитогенетик текширув (40 та периферик қонда 24 та суяк кўмигида) ўтказилди. Молекуляр генетик текширув 75 та беморда амалга оширилди.

Стандарт цитогенетик текширув учун олинган суяк кўмигининг 75 фоизида аномал Ph-хромосома аниқланди. Химер онкоген ВCR-ABL p210 экпрессиясини сифатий баҳолаш мақсадида ўтказилган ПЗР усули ёрдамида 85 фоиз беморларда ушбу химер ген аниқланди. Хулоса қилиб шуни айтиш мумкинки, бу таҳлиллар ёрдамида аниқ ташҳис қўйиш, самарали даволаш ва касаллик кечишини баҳолаш мумкин.

К. Бобоев, Ж. ХЎжаҲмедов, З. Ибрагимов, Б. Алланазарова, Ўзбекистон Республикаси Соғлиқни сақлаш вазирлиги Гематология ва қон қуйиш илмий-текшириш институти.

№ 42, 28.10.2011 « орқага
   Сонлар архиви
Д С Ч П Ж Ш Я
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
   Овоз бериш
Газета тўғрисидаги маълумотларни кимдан олгансиз?
  Дустларимдан
  Обуна булганман
  Киоскдан
  Эълонлардан

Овоз бериш натижалари
   Ҳамкорлар
   Реклама
 
Copyright © 2007 — 2017 Ўзбекистонда соғлиқни сақлаш
Сайт Ўзбекистон мустақил босма ОАВи ва ахборот агентликларини
қўллаб-қувватлаш ва ривожлантириш жамоат фонди кўмагида яратилди.
Дизайн ва дастурлаш SAIPRO компанияси томонидан амалга оширилди.